അല്‍കോബാറില്‍ മദ്യ നിര്‍മാണ ഫാക്‌ടറിയില്‍ റെയ്‌ഡ്‌; ആറ്‌ ഇന്ത്യക്കാര്‍ പിടിയില്‍

ദമാം – അല്‍കോബാറില്‍ ഇന്ത്യക്കാര്‍ നടത്തി വന്ന വന്‍ മദ്യ നിര്‍മാണ കേന്ദ്രം റെയ്‌ഡ്‌ ചെയ്‌ത മതകാര്യ വകുപ്പ്‌ അധികൃതര്‍ ആറ്‌ പേരെ പിടികൂടി. അല്‍കോബാര്‍ റാക സ്‌ട്രീറ്റില്‍ വലിയ വില്ല വാടകക്കെടുത്താണ്‌ ഇന്ത്യക്കാരായ സംഘം മദ്യ നിര്‍മാണം നടത്തി വന്നതെന്ന്‌ മതകാര്യ വകുപ്പ്‌ അധികൃതര്‍ വെളിപ്പെടുത്തി. രഹസ്യ വിവരം ലഭിച്ചതിന്റെ അടിസ്ഥാനത്തില്‍ ദിവസങ്ങളോളം നിരീക്ഷണം നടത്തിയാണ്‌ വില്ല റെയ്‌ഡ്‌ ചെയ്‌ത്‌ മദ്യ നിര്‍മാണ കേന്ദ്രം പിടികൂടിയത്‌.
മദ്യം നിറച്ച്‌ വിതരണത്തിന്‌ തയാറായ കുപ്പികള്‍ക്ക്‌ പുറമെ 300 ലിറ്റര്‍ ശേഷിയുള്ള നാല്‌ ടാങ്കുകള്‍, 200 ലിറ്ററിന്റെ 18 ടാങ്കുകള്‍, 18 ഗ്യാസ്‌ സിലിണ്ടറുകള്‍, 174 ലിറ്റര്‍ കൊള്ളാവുന്ന മറ്റ്‌ 9 ബാരലുകള്‍ എന്നിവയും പിടിച്ചെടുത്തതായി മതകാര്യ വകുപ്പ്‌ ഉദ്യോഗസ്ഥര്‍ അറിയിച്ചു.

കോബാറില്‍ മദ്യനിര്‍മാണ കേന്ദ്രത്തില്‍ മതകാര്യ വകുപ്പ്‌ നടത്തിയ റെയ്‌ഡില്‍ പിടികൂടിയ വസ്‌തുക്കള്‍

Leave a Reply

Your email address will not be published. Required fields are marked *